🐖今次輪到豬了。
：美式手撕烤豬堡餐 Pulled Pork Burger Set $36.8 + 厚切薯條 Thick Cut Fries🍟 $4 = $40.8 7.5/10
登凳登凳！當我想去食雞既時候，已經發現出左豬包🐽 一開盒果然！賣相真係好靚，對比起我一齊買既豬柳蛋漢堡$10歪晒😂 呢個漢堡包，當然有包，有好多好多既手撕豬，番茄，脆卜卜既煙肉（但得一塊好似係），仲有幾濃味既芝士🧀，同埋你都見到既紫椰菜絲🌚
個包其實都幾大，咬左好多啖先食得晒😂 包係甜甜地既，好似排包既味道 但我覺得同pulled pork唔夾，嘛嘛地。至於個豬就都幾多，不過每一絲好細條 會sip牙縫😆 不過個bbq醬都幾香，尚算惹味～ 番茄同紫椰菜幫忙減輕左bbq既濃烈感，而且芝士都相當唔錯～ 不過overall食落去口感冇咩特別，冇脆既感覺 原因個塊煙肉只得一細條😂 而且俾bbq醬搶左味，冇左bacon既香味。
至於厚切薯條，係超級失望，冇薯香味冇油香味，又唔熱🙁 介乎於又唔脆又唔冧咁，而且鹽極度唔夠，所以食落淡而無味😭 我寧願食冧到扁晒既普通M記薯條（我係變態 鍾意食冧既薯條💂🏻）
我覺得整體還可以，但唔會用四十蚊再encore🙈 我寧願俾double價錢食一個再高級d既pulled pork burger🌞 稍後再介紹俾大家！#nonstooopmeattt #nonstooopcentral
Search